ப்ளாக்கரின் புதிய வசதிகள் - அமர்க்களம்!

சுதந்திர தின பரிசாக(!) கூகிள் 'Blogger Beta' என்ற புதிய பதிப்பை வெளியிட்டுள்ளது. இதன் சிறப்பம்சங்களை இந்த இடுகையில் விளக்குகிறேன். உங்களிடம் கூகுள் கணக்கு இருந்தால் http://beta.blogger.com என்ற தளத்துக்கு சென்று ஒரு புதிய பதிவை தொடங்கி இதை முயன்று பார்க்கலாம். உங்கள் தற்போதைய வலைப்பதிவை இந்த பதிப்புக்கு உடனே மாற்றிக்கொள்ளமுடியாது. ஒருசில பேருக்கு மட்டுமே தற்போது அந்த உரிமை கொடுக்கப்பட்டுள்ளது.

இதைப்பற்றிய செய்தியை படித்தவுடன் கை அரிக்க ஆரம்பித்ததால் ஒரு புதிய சோதனை பதிவை உருவாக்கினேன். அதை இந்த பக்கத்தில் பார்க்கலாம். இனி, சிறப்பம்சங்கள் -

1. வகைப்படுத்துதல் - ஒவ்வொரு இடுகையையும் சில Labelsகளை கொண்டு வகைப்படுத்தலாம். ப்ளாக்கரில் categories இல்லாத குறை பலருக்கு பெரும் குறையாக இருந்தது. ஏராளமான ஹேக்குகள் இதனால் தோன்றின. இப்போது அந்த குறை நீக்கப்பட்டாயிற்று. என் பக்கத்தில் வலதுபுறத்தில் கவிதை, வழிபாடு போன்ற Labels தோன்றுவதை காணலாம்.

2. WYSIWYG (What you see is what you get) எனப்படும் முறையில் படு சுலபமாக அடைப்பலகையை மாற்றலாம். இந்த வசதியின் தோற்றத்தை கீழ்க்கண்ட படத்தில் பாருங்கள். Add page element என்பதை சொடுக்கி சுட்டிகள், படங்கள், லேபிள்கள் போன்ற பலவற்றை சேர்க்கலாம். சேர்த்தவற்றை Drag and drop செய்து மேலும் கீழும் நகர்த்தமுடியும்!!




















வலப்புற பட்டையில் (sidebar) சேர்க்கக்கூடியவற்றில் குறிப்பிட்டு சொல்லப்படவேண்டியவை -
- எந்த ஒரு Feedஐயும் உங்கள் பதிவில் காண்பிக்கலாம். Feed என்பது ஒரு வலைத்தளத்தின் முன்னோட்டம் போன்றது. இணையத்தில் உள்ள பெரும்பாலான முக்கிய செய்தி தளங்கள், வலைவாசல்கள் ஆகியவற்றுக்கு Feed உள்ளது. ஒரு சோதனைக்கு, என் பக்கத்தில் கூகுள் செய்தி மற்றும் தேன்கூட்டின் முன்னோட்டத்தை சேர்த்திருக்கிறேன்.
- வெளியார் வழங்கும் கருவிகளை எளிதில் சேர்க்கலாம். உதாரணத்துக்கு, அந்நியலோகம் வழங்கும் கருவிகளை சேர்ப்பதற்கு அடைப்பலகையுடன் முட்டிக்கொள்ள தேவையில்லை. சேர்க்கவேண்டிய நிரல்துண்டை கொடுத்து அதற்கு ஒரு இடத்தை தேர்ந்தெடுத்தால் போதும்.

3. Comment feed எனப்படும் பின்னூட்டங்களுக்கான முன்னோட்டம்! இதை பயன்படுத்தி உங்கள் பதிவில் அண்மையில் இடப்பட்ட பின்னூட்டங்களை sidebarல் காண்பிக்கலாம்.
4. உங்கள் குடும்பத்தார் அல்லது ஒரு குழுவினர் மட்டுமே பார்க்கக்கூடிய பிரைவேட் வலைப்பதிவு உருவாக்கலாம். அதை எந்தெந்த கூகுள் கணக்கு வைத்திருப்பவர்கள் பார்க்கமுடியும் என்று Settings->Permissions என்ற பக்கத்தில் அரண் போடமுடியும். (இது கொஞ்சம் வம்பான விஷயமும் கூட. அதைப்பற்றி இங்கே பேசவேண்டாம்)
5. கடைசியாக, Republish entire blog எல்லாம் போச்சு. அடைப்பலகையில் என்ன மாற்றம் வேண்டுமானாலும் செய்து சேமித்தவுடன் உடனடியாக எல்லா இடுகைப்பக்கங்களும் மாற்றப்படும்.

வலைப்பதிவுலகில் இதைப்பற்றிய சூடு பரவ ஆரம்பித்திருக்கிறது. இந்த இடுகைகளை படித்து பாருங்கள்.

Significant Blogger Upgrade

Blogger Gets Categories, Comments Feed, Private Blogs, Instant Publishing

ஆவலாக இருந்தால், கூகுள் கணக்கு உருவாக்கி நீங்களே முயன்று பாருங்கள்.

நான் ஏன் Haloscanக்கு மாறினேன்?

ப்ளாக்கர் தன்னுடைய பின்னூட்ட வசதியை ஆரம்பிப்பதற்கு முன்னிருந்தே Haloscan பின்னூட்ட வசதி இருந்துவருகிறது. ப்ளாக்கரின் சேவை தொடங்கியபோது அதில் எனக்கு பிடித்த அம்சங்கள் -

1. யூனிகோட்டில் பின்னூட்டமிட முடிவது.
2. பெரிய பின்னூட்டங்களை அனுமதித்தது
3. பின்னூட்ட மட்டுறுத்தல்

இவை அனைத்தும் Haloscan வசதியிலும் இருப்பதை நேற்று அறிந்துகொண்டேன். கூடுதலாக இன்னுமொரு சிறப்பான வசதியும் இருக்கிறது. அது, நாம் தேர்ந்தெடுக்கும் சில ஐபி முகவரிகளில் இருந்து பின்னூட்டங்களை அனுமதிக்காமல் தடை செய்வது. ப்ளாக்கர் பின்னூட்ட வசதியில் இருக்கும் ஓட்டைகள் ஏற்கனவே பிடிக்காமல் இருந்ததால், அதை மொத்தமாக நிறுத்திவிட்டு ஹேலோஸ்கேன் சேவைக்கு மாறியுள்ளேன். 69.50.208.4 (igloohost.com, glendale, arizona) என்ற ஐபி முகவரியையும் தடை செய்துவிட்டேன். ஏன் என்று கேட்கிறீர்களா? 'இந்த முகவரியை தடை செய்தால் வாழ்வில் மகிழ்ச்சி பெருகும். சகல ஐஸ்வர்யங்களும் கூடும்.' என்று பட்சி சொல்கிறது ;). இதைத்தவிர, அநாகரிக பின்னூட்டங்கள் அனுப்பப்படும் ஐபி முகவரிகளை மட்டுமே தடை செய்ய நினைத்துள்ளேன். என்னைப்பற்றி நன்கு அறிந்த பெரும்பாலான பதிவர்கள் இதை தவறாக நினைக்கமாட்டீர்கள் என்று நம்புகிறேன்.

இனி என் பதிவில் இருந்தபடியே பின்னூட்டமிடலாம். ப்ளாக்கர் பக்கத்துக்கு போகத்தேவையில்லை (ப்ளாக்கரில் லாகின் கூட செய்யத்தேவையில்லை). View/Post comments என்ற வரிக்கு கீழே உள்ள பெட்டியில் மற்றவர் பின்னூட்டங்களும், நீங்கள் பின்னூட்டமிட வசதியும் தோன்றும். Name, email, URL ஆகியவற்றை கேட்கும். பெயரை மட்டும் கொடுங்கள், மற்றவை தேவையில்லை. பின்னூட்டம் இட்டதும் அதே பெட்டியில் 'Comment Successfully Posted. Your comment is awaiting moderation' என்ற அறிவிப்பு தோன்றும். நான் மட்டுறுத்தியவுடன் பின்னூட்டம் வெளியிடப்படும்.

இதில் ஏதாவது பிரச்சனை இருந்தால் rarunach[AT]gmail.com என்ற முகவரிக்கு மின்னஞ்சல் மூலம் தெரிவிக்கவும். Thanks for your understanding.

திராவிடமும் ஆரியமும் இணைகிறது!

அதாங்க.. நம்ம சூர்யாவுக்கும் ஜோவுக்கும் வர்ற செப்டம்பர் 11ஆம் தேதி திருமணம் என்ற செய்தியைப் பற்றித்தான் சொல்றேன். (மத்தபடி எனக்கு திராவிடம், ஆரியம் பற்றியெல்லாம் பேச அறிவு போதாது). என்னவோ தெரியல.. எனக்கும் சரி, எனக்குத் தெரிஞ்ச நிறைய பேருக்கும் சரி (என் வீட்டார் உட்பட) இவங்க ரெண்டுபேரும் வாழ்க்கையில் இணையனும்னு ரொம்ப நாளா ஆசை. 'காக்க.. காக்க..' படத்தில் அவங்க ரெண்டு பேருக்கும் இடையிலான அழகான காதலை பார்த்ததாலோ என்னவோ.. ஜோதிகாவின் துறுதுறுப்பு, சூர்யாவின் ஆர்ப்பாட்டமில்லாமல் கண்ணாலேயே உணர்ச்சியை வெளிப்படுத்தும் நடிப்பு இரண்டுமே எனக்கு பிடித்திருந்தது.

2002ம் ஆண்டு செப்டம்பர் 11ல் ரெண்டு most famous கட்டிடங்கள் காலி. இந்த ஆண்டு ரெண்டு most eligible கல்யாணமாகாதவர்கள் காலி.

பி.கு. பெங்களூர்ல இருக்கறவங்க அந்த மீனாக்ஸ், மீனாக்ஸ்னு ஒருத்தர் இருப்பாரே அவருக்கு கொஞ்சம் ஆறுதல் சொல்லுங்கப்பா..

புதிர் - கண்களும் கவி பாடுமே..

விக்னேஷ் ஆரம்பித்துவைத்து பாபா தொடர என்னையும் இந்தப்புதிர் தொத்திக்கொண்டுவிட்டது. கண்ணை வைத்து ஒரு மனிதரையே அடையாளம் காணலாம் என்பதால்தான் இணையத்தில் போடும் சில புகைப்படங்களில் கண்களை மறைத்துவிடுகிறார்கள் போலிருக்கு. சரி, இனி புதிருக்கு போவோம். கண்களே கவிபாடும் என்பதால் ரொம்ப க்ளூ எல்லாம் கிடையாது. சினிமா (கோலிவுட், ஹாலிவுட்), அரசியல், இசை, விளையாட்டு ஆகிய துறைகளைச் சேர்ந்த பிரபலமானவர்கள் இவர்கள்.

1.

2.

3.

4.

5.

6.

7.

8.

9.

10.

பல நாடுகளில் உள்ள வலைப்பதிவர்களும் கலந்து கொள்ளவேண்டும் என்பதற்காகவும், ஒருவர் விடையை இன்னொருவர் காப்பி அடிக்கக்கூடாது என்பதற்காகவும் (:-}) நீங்கள் அனுப்பும் விடைகளை இன்னும் 24 மணி நேரத்துக்கு வெளியிடப்போவதில்லை. ஆனாலும் விடை அனுப்பியவர்களுக்கு ஆவலை அடக்கமுடியாது என்பதால் 1லிருந்து 10 வரை எந்தெந்த எண்களுக்குரிய விடைகள் சரி என்பதை மட்டும் இங்கு பின்னூட்டமாக வெளியிடுவேன். (ரொம்ப ரூல்ஸ் போடறேனோ.. எல்லாம் ஒரு சுவாரசியத்துக்கு தான்). பாபா, விக்னேஷ், உதயகுமார், கப்பி, சிறில், பொன்ஸ் எல்லாம் களத்துல இறங்குங்க... பார்க்கலாம் யார் நிறைய கண்டுபிடிக்கறாங்கன்னு.

பி.கு. இந்த இடுகையை 'கண்கள்' என்ற குறிச்சொல்லோடு தமிழ்மணத்தில் சேர்த்திருக்கேன். இனி யார் இத்தகைய புதிர் போட்டாலும் அதே குறிச்சொல்லை பயன்படுத்துமாறு அன்புடன் கேட்டுக்கறேன்.

ப்ளாக்ஸ்பாட் தடை விலக்கம், அந்நியலோகம் ப்ராக்ஸி

(கீழ்க்கண்ட அறிவிப்பை எழுதிவிட்டு தேசிபண்டிட் பக்கம் பார்க்கிறேன். Rediffல் 48 மணி நேரத்துக்குள் ப்ளாக்ஸ்பாட் தடை விலக்கப்படும் என்ற நற்செய்தி வந்துள்ளது. எல்லாரும் நம்ம பத்திரிகைகளுக்கு ஒரு 'ஓ' போடுங்க. எதுக்கும் கீழ இருக்கறதையும் படிச்சுடுங்க. தடை விலகும்வரை இது உதவும்.)

Pkblogs.com என்ற ப்ராக்ஸி தளத்தின் மூலம் ப்ளாக்ஸ்பாட் பதிவுகளை பார்க்கமுடிவதையும், அதற்கு தமிழ்மணத்தில் காசி சுட்டி கொடுத்திருப்பதையும் பலர் அறிவீர்கள். அதேபோல் நானும் ஒரு ப்ராக்ஸி உண்டாக்கிவிட்டேன். Pkblogs வெறுமனே பக்கத்தில் உள்ள ப்ளாக்ஸ்பாட் சுட்டிகளை Pkblogs சுட்டிகளாக மாற்றுகிறது, அவ்வளவே. அதையே என்னாலும் சுலபமாக செய்யமுடிந்தது.

இந்த பக்கத்துக்கு சென்று உங்கள் (அல்லது மற்றவர்) வலைப்பதிவின் பெயரை மட்டும் நிரப்பி அளித்தால் அந்த பதிவை காணலாம். உதாரணத்துக்கு இட்லிவடையார் idlyvadai என்று நிரப்பினால் போதும். Freedom viewer போல இல்லாமல் முழு பதிவையும் பார்க்கலாம். யாருடைய பதிவைப் பார்ப்பதிலும் பிரச்சனை வராது. சுட்டி இதோ -

http://anniyalogam.com/go.html